/ Dili yəyiş:
İdarə etmək çox çətindir, əgər bunu təmiz vicdanla edirsənsə. (Napaleon I)
» » » 90 min nəfərə yaxın əmək pensiyaçısının pulu yenidən hesablanacaq

90 min nəfərə yaxın əmək pensiyaçısının pulu yenidən hesablanacaq

Tarix: 29-06-2018, 00:04
Bölmə: İqtisadiyyat
90 min nəfərə yaxın əmək pensiyaçısının pulu yenidən hesablanacaq

Xəbər verdiyimiz kimi, prezident İlham Əliyevin 25 iyun 2018-ci il tarixli “2017-ci il iyulun 1-dək təyin edilmiş əmək pensiyalarına qulluq stajına görə əlavələrin yenidən hesablanması Qaydası”nın təsdiq edilməsi haqqında” fərman imzalayıb.

İnfoplus.Az xəbər verir ki, dövlət başçısının fərmanı ilə təsdiqlənən qaydalarda sabiq baş nazir və müavinlərinin, mərkəzi icra hakimiyyəti orqanının rəhbəri və rəhbər müavinlərinin, yerli icra hakimiyyəti orqanının rəhbərinin (başçısı), Milli Televiziya və Radio Şurasının üzvlərinin, sabiq hakimlər, prokurorluq orqanlarında qulluq etmiş şəxslərin, ədliyyə işçilərinin, fövqəladə hallar orqanlarının işçilərinin əmək pensiyalarına qulluq stajına görə əlavələrin yenidən hesablama qaydası müəyyən olunub.

Əmək və Əhalinin Sosial Müdafiəsi Nazirliyindən bildirilir ki, yeni qaydalara görə, müvafiq kateqoriyalardan olan ümumilikdə 90 min nəfərə yaxın əmək pensiyaçısının əmək pensiyalarına qulluq stajına görə əlavələr yenidən hesablanaraq artırılacaq.

Edilmiş artımlar qeyd olunan şəxslərə növbəti ayın, yəni iyul ayının pensiyaları ilə birgə toplam halda ödəniləcək.скачать dle 10.4фильмы бесплатно