/ Dili yəyiş:
“Biznes aləmində iki növ mənfəət anlayışı mövcuddur: nağd və təcrübə, ilk növbədə təcrübə toplayın, nağd isə sonra özü gələcək.”
» » » Biznesdə sevginin rolu

Biznesdə sevginin rolu

Tarix: 28-10-2017, 18:44
Bölmə: Menecment
Biznesdə sevginin rolu


Ötən ilin avqust ayının ortaları idi. Təhsil mərkəzlərimizdən biri təmir edilirdi. Ustalar səhər tezdən işə çıxmalı idi. Yoxlamaq üçün mən də səhər 7-də ofisə getdim.
Biznesdə sevginin rolu

Təhsil mərkəzimizin sağ tərəfində, binanın altında iki çayçı vardı. Hər ikisi bir birinə oxşardır. Demək olar eyni xidmətlərə malikdirlər, eyni qiymət və eyni avadanlıqdan istifadə edirlər. Çölə düzdükləri plastik stol və stullar da bir birinə yanaşıdır. Tanımayan müştərilər hansı yerin hansı çayxanaya aid olmadığını bilməz.

Çayxanalardan birində həddən çox müştəri olur. Axşam saatlarında müştərilər oturmaq üçün bu çayxananın ərazisində yer tapmır. Digərində isə boş stollar hər zaman tapılır. Maraqlısı budur ki,çox vaxt birinci çayxanada yer tapmayan müştərilər ikinci çayxanaya getmirlər. Sahibləri ilə ətraflı tanış deyildim. Qonşu kimi salam-sağol deyirik bir-birimizə, vəssalam.

Həmin səhər 7-də ofisin təmirinə nəzarət etməyə gəldiyim gün qəribə mənzərə ilə rastlaşdım. Çayxanalardan birincisinin sahibləri stolları çölə düzürdülər. Səhər saat 7-də çayxana açmaq? Ömrüm boyu belə hal görməmişdim. Adətən bütün restoran və çayxanalar saat 10-11-də açılır.

Çayxananın sahibi nitq qüsurlu idi. Oğlu ilə birgə çalışırdı. Oğlu da atası kimi nitq qüsurludur və danışa bilmir. Atası məni görüb əlini yellədi, salam verdi. İşarə ilə çay içmək üçün dəvət etdi. Təşəkkürümü bildirdim. Birdə işarə etdi ki, çayı pulsuz verir, gəlib içim. Mən yenə təşəkkür edib ofisə girdim.

İnsanın ürəyindəki sevgiyə, mehribanlığa heyrət etdim. Bu şəxsin danışmaq bacarığı belə yoxdur. Ancaq təmiz və sevgi dolu ürəyi vardır. Məhz buna görə yüzlərlə müştərisi onun çayçısında əyləşir.

Təxminən 4 saat sonra ikinci çayxananı bir yaşlı qadın açdı. Yarım saat sonra isə çayxana sahibi gözlərini ovuşdura-ovuşdura gəldi. Stolları düzməyə- daha doğrusu 15-16 yaşlı 2 ofisiant oğlana düzdürməyə başladı.

Kim oluruqsa olaq, hansı qabiliyyət sahibi oluruqsa olaq, biznesi və insanları sevmədiyimiz sürəcə biznesin uğurundan danışmağa dəyməz.


http://elvindadashsoy.comскачать dle 10.4фильмы бесплатно